假如你問我,
懷孕對我來說最大的衝擊,
絕對是因為家中要「安置一個街外人」 - 即請工人是也。
要知道,
我們夫婦二人是自由慣的。
無端端多一個人仔,
已有不少需要適應的地方,
還要多一個陌陌生生的外籍女傭。
真的想起便怕!
不過怕還怕,人始終要面對現實的。
再加上身邊人人也說現在請工人非常困難。
正所謂你揀人時人揀你....
所以... 也打算早早開始著力出手,
在六月時,
我便開始了一些基本的RESEARCH。
我的心裡有幾個問號:
1. 菲傭定印傭?
其實咩國籍我又無咩CONCERN,講真,咩國家也有好人有壞人;我唔會因為佢係某一個國家而有PREFERENCE。
但我比較留心的係她的宗教信仰。
我沒有歧視任何宗教,
只是之前因為工作關係接觸過回教徒。
她們真的好多規矩。
如果係好「神心」個隻,她們是需要一日做五次禮拜,每次都要先沐浴再做20-30分鐘祈禱!
因為有超過半數的印尼人是回教徒。
相對,菲律賓人則多是天主教徒。
就是因為這樣,
我才有點RELUCTANT去請印傭。
2. 邊間仲介公司好?
Completely No Idea。
唯一一點,真的不要相信各大仲介公司的網路收費,
我逐一打電話去問,
發現,
有很多收費是沒有列明的。
明明網上寫HK$8000,但傾吓問咔,就會變成HK$10,000-HK$12,000。
請個工人都要成萬蚊,仲要唔保證一定請到個好!
你話係咪搶呀錢!
3. 請後生的還是成熟一點的好?
之前因為打算請工人,上了BABY KINGDOM睇關於請工人的POST,
但一睇,就覺得好得人驚。
有好多人警告JM們不要請太後生,太漂亮的!
因為她們的性觀念相對開放,
有機會會勾三搭四,
輕則係出面搞大個肚,
重則搞埋個老公!
好多分享POST都係咁講....
講到我都好驚吓。
有一天好認真咁同老公講起呢個問題,
佢話.... 係要「滾」的,在家在外都會,
係「唔滾」的,你擺個天仙係度都唔會心動。
雖然講左好似無講....
不過...我又真係一向都非常信任老公的。
我呢,還是一貫的想法,
請一個30歲出頭,又小孩子的人便是了。
個樣嘛,都想請一個PLEASANT的,
第日小豆要日對夜對,
都想搵一個順眼的人咁囉。
之後,阿姨知我請工人,她有好介紹,
點之......(待續)
請工人好煩架...
回覆刪除請工人係好煩。DB 有個forum for buying and selling things..and employment of maid. Go and take a look:)
回覆刪除[版主回覆08/13/2013 09:27:47]I am on that group already... just not easy to find a good maid indeed
我都有同感呀, 成個懷孕期最擔心係工人好唔好, 有無愛心, 同埋要適應屋企多個外人......
回覆刪除[版主回覆08/13/2013 10:55:44]多個人放係屋企真係好難頂!
我兩公婆自由慣嘛....
真係好難接受有個外人住在一齊,真的不方便
回覆刪除不過慢慢會習慣,希望你盡快揾到個好的工人!
我大肚時請陪月(2MONTHS) 已經好頭癢, 而家頂多請個鐘點做清潔Share下工作量, 好難想像請工人會點.
回覆刪除[版主回覆08/15/2013 12:49:30]完全係不敢想像!
印象中, 我仲係小朋友的時候媽請工人真係無而家咁煩! 祝你好運. (請唔請到個好的, 有點兒是講彩數)
回覆刪除[版主回覆08/15/2013 12:49:12]係.... 同係香港搵老公搵份好工一樣.... 咁難!
its really troublesome to hire a maid.....
回覆刪除hiring a good maid is like having jackpot!!!! good luck!!!!!!
[版主回覆08/15/2013 16:40:57]but i think your maid is so far so good la.