我自問性格向來穩定的人。
不敢說EQ好高,
但因為職業的關係,
大部份的時間,
我都可以說是忍功超強的。
我很少發脾氣。
不會太開心,亦不會太不開心。
不過,自懷有小豆以後,
情緒,出現了近五年來的最大起伏。
有時,會無端端地覺得好SAD,
有時,又會無端端地覺得「唔知自己大肚咁辛苦為咩」,
其實,我陀仔已算做陀得好。舒。服。
因為我沒有嘔、沒有暈、行得走得連追巴士都得!
不過,因為個肚一日一日咁大,
覺得自己好「論盡」,
就算身邊的同事、朋友都覺得我唔算論盡都好,
我就係覺得自己「成隻企鵝」咁囉。
有時,「攤」左係梳化睇電視,
要起身時,係必須要老公幫手先得。
老公口講話覺得我宜家好可愛,
但... 我一向唔係就卡娃而路線的嘛,
話我可愛... 其實我唔係好受落囉。
另外,BB開始踢踢了,
人地話開始覺得踢會好有FEEL,
但我一點也不覺得.....
好多時.... 開開吓會,佢一踢,我覺得會「尿急」,
但唔係吓吓可以去WE WE的嘛....
不過,踢我可以FEEL到他的存在,
感覺生命係好奇妙,
但如果突然FEEL唔到,
又會胡思亂想。
真係唔知自己想點。
我唔係唔鍾意小豆,
事實係我們二人為小豆也準備了很多。
只是....
有時,
覺得為人父母真的會「諗多左」,
好多野,
係又諗唔係又諗....
根本就自己嚇自己。
唉,我都係呻吓之嘛.........
賀爾蒙小姐作怪,M到都會忟幾日,何況大肚咁大單!
回覆刪除Embrace your mood changes, you are the QUEEN now!!!
[版主回覆08/29/2013 09:25:33]我老公話你呢個COMMENT係唔VALID呀律師,因為 I am always the QUEEN!!! 哈哈......
可能真係諗多咗
回覆刪除到佢出左世仲更多野諗呀~~~
回覆刪除[版主回覆08/28/2013 19:44:24]暈低。
吾好諗咁多,煮到埋黎就食!開心D,BB都健康D
回覆刪除[版主回覆08/29/2013 09:23:55]煮到埋黎就食.... 呢樣野係我最要學習的!
我算係一個「操控狂」,不過,人生又有幾多野係完全可以under our control呢?
所以幾時都話,生兒育女,其實都係人生另一個學習的階段!
好好enjoy下懷孕旅程呀,其實都好amazing
回覆刪除[版主回覆08/29/2013 09:22:37]係就係好AMAZING,但如果唔好咁多情緒低落的日子會好好多... :)